Policia e Kosovës po zhvillon një aksion në disa lokacione në Prizren dhe Gjakovë gjatë të cilit ka konfiskuar narkotikë dhe ka arrestuar personat e dyshuar, raporton teve1.info
Lajmin për teve1.info e ka konfirmuar zëdhënësi i Policisë së Kosovës, Baki Kelani, i cili tha se për të gjitha detajet do të jepen informata pas përfundimit të aksionit.
“Mund të konfirmojmë se, bazuar në urdhëresën e organeve të drejtësisë, Policia e Kosovës, konkretisht Drejtoria për Hetimin e Trafikimit me Narkotik, e asistuar nga njësitet relevante policore kanë realizuar operacion policor në disa lokacione në Prizren dhe Gjakovë. Operacioni policor ka rezultuar me arrestim të personave të dyshuar, me konfiskim të narkotikëve dhe gjësendeve tjera, për të cilat do të njoftoheni pas përfundimit dhe kompletimit të rastit. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë”, ka thënë Kelani për teve1.info.
