Policia e Kosovës ka konfiskuar dy armë zjarri në dy raste të ndara brenda 24 orëve të fundit, në Vushtrri dhe Mitrovicë.
Rasti i parë ka ndodhur në Vushtrri, ku pas një hetimi për një rast “kanosjeje”, policia ka arrestuar një person që kishte armë pa leje. Gjatë kontrollit, tek ai janë gjetur një pistoletë me nëntë fishekë dhe një thikë. I dyshuari është ndaluar dhe ndaj tij është hapur rast për “kanosje” dhe “mbajtje të armës pa leje”.
Rasti i dytë ka ndodhur në Mitrovicë, ku një person kishte postuar video në rrjete sociale duke treguar një armë dhe një thikë. Policia ka ndërhyrë, ia ka konfiskuar armët dhe e ka marrë në pyetje. Ai është liruar në procedurë të rregullt dhe po hetohet për mbajtje të armës pa leje.
Policia ka bërë të ditur se këto veprime janë pjesë e përpjekjeve për të ruajtur sigurinë publike.
