Është arrestuar një person me inicialet J.Zh, shtetas serb, pasi që tek i njëjti Policia e Kosovës gjatë kontrollit në automjetin e tij me targa të Serbisë, ka gjetur rreth 6 mijë e 300 copë fishek.
42-vjeçari është shoqëruar në Polici dhe me urdhër të prokurorit është dërguar në mbajtje, raporton teve1.info.
Ngjarja ka ndodhur sot në mesditë, në fshatin Jashanicë të Leposaviqit, në një pikë kontrolli nga Njësia e Ndërhyrjes së Shpejtë e Drejtorisë Rajonale të Policisë Kufitare-Veriu.
“I njëjti është intervistuar, ndaj tij është iniciuar rasti penal dhe me aktvendim nga prokurori i njëjti është dërguar në mbajtje deri në 48 orë”, thuhet në njoftimin e Policisë.
“Policia vazhdon me aktivitete të shtuara për të ofruar siguri dhe për të parandaluar aktivitetet kriminale përfshirë parandalimin e kontrabandës në pjesën veriore të vendit”.
