Policia e Kosovës ka kërkuar ndihmën e qytetarëve për identifikimin e një personi të dyshuar për veprën penale “Mashtrim në bashkëkryerje”.
Në njoftimin e publikuar, policia ka bërë të ditur se hetuesit nga Njësia për Hetimin e Krimeve Ekonomike dhe Korrupsionit në Prishtinë, me autorizim nga Prokuroria Themelore në Prishtinë, kanë publikuar fotografi të të dyshuarit me qëllim identifikimin e tij.
“Hetuesit policorë nga Njësia për Hetimin e Krimeve Ekonomike dhe Korrupsionit Prishtinë, me autorizim nga Prokuroria Themelore Prishtinë, publikojnë foton e të dyshuarit, duke kërkuar ndihmën (bashkëpunimin) me qytetarët në identifikimin e personit në foto.Personi në foto dyshohet për përfshirje në veprën penale ‘Mashtrim në bashkëkryerje”, thuhet në njoftim./teve1.info/
