Një person është arrestuar dhe është dërguar në mbajtje pas përleshjes së raportuar mbrëmë në Mitrovicën e Jugut.
Rasti sipas policisë, dyshohet se ka ndodhur pas një mosmarrëveshje dhe ka përfunduar në rrahje të cilët janë përfshirë tre persona, ndërsa gjatë incidentit kanë pësuar lëndime trupore dy prej tyre dhe i dyshuari.
Sipas raportit të Policisë së Kosovës, të gjithë kanë pranuar tretman mjekësor. Lëndime të lehta ka pësuar edhe një zyrtar policor, i cili në atë moment ishte jashtë detyrës zyrtare dhe kishte tentuar ta ndalonte përleshjen.
Dy të lënduarit janë dërguar për trajtim në QKUK, ndërsa i dyshuari është intervistuar nga policia.
Me vendim të prokurorit, i dyshuari është arrestuar dhe është dërguar në mbajtje.
“Mitrovicë Jug / 18.09.2026 – 22:44. Dyshohet se pas një mosmarrëveshje janë përfshirë në rraje tre persona meshkuj kosovarë. Si pasoj lëndime trupore kanë pësuar dy viktimat dhe i dyshuari të cilët kanë pranuar tretman mjekësor. Lëndime të lehta trupore ka pësuar edhe një zyrtar policor –jashtë detyre zyrtare gjatë përpjekjes për ti ndaluar. Viktimat janë dërguar në QKUK ndërsa i dyshuari është intervistuar dhe me vendim të prokurorit është arrestuar dhe dërguar në mbajtje”, thuhet në raport./teve1.info/
