Arrestohet i dyshuari që grabiti një këmbimore në lagjen Tophane në Prishtinë.
I dyshuari në vendin e ngjarjes kishte shtënë me armë zjarri AK-47, kurse të shtëna ka pasur edhe nga një qytetar si reagim për të parandaluar grabitjen.
Siç njofton për teve1.info zëdhënësja e Policisë, Flora Ahmeti i dyshuari është kapur i plagosur në Obiliq.
“Sot rreth orës 15:15, është raportuar për një rast grabitje në një këmbimore në lagjen Tophane në Prishtinë, me ç’rast i dyshuari ka shtënë me armë zjarri AK-47. Si reagim ndaj të shtënave të të dyshuarit, në përpjekje për të parandaluar grabitjen një qytetar po ashtu ka shtënë me armë zjarri. Pas marrjes së informacionit, zyrtarët e Policisë së Rajonit të Prishtinës kanë dalë në vendngjarje, kanë ndërmarrë të gjitha masat e nevojshme operativo-policore dhe pak minuta pas raportimit të rastit, kanë arrit që në Obiliq të arrestojnë personin dyshuar i cili është i lënduar. Të njëjtit për shkak të lëndimeve ( dyshohet të jetë plagosur) i është ofruar tretmani i nevojshëm mjekësor”, ka thënë ajo.
Ndërsa, Ahmeti ka dërguar edhe fotografi, duke treguar se të njëjtit i janë sekuestruar vetura dhe një armë automatike e tipit AK-47.
:Ndërlidhur me rastin policia ka sekuestruar: veturën e të dyshuarit, si dhe një armë automatike, të tipit AK-47. Ndërkaq hetuesit po vazhdojnë me ndërmarrjen e veprimeve hetimore policore për të zbardhur plotësisht rrethanat e ngjarjes”, ka shtuar ajo.
