Ndihmësdrejtori i të ashtuquajturës Zyrë për Kosovën në Qeverinë e Serbisë, Igor Popoviq, është dërguar në mbajtje pas arrestimit të premten nga Policia në pikën kufitare në Bërnjak pasi kishte mbajtur fjalim kundër UÇK-së në Hoçë të Madhe të Rahovecit.
Sipas raportit 24-orësh të Policisë, të dyshuarit i janë sekuestruar dy telefona.
“Fsh. Hoqë e Madhe, Rahovec 18.07.2025 – 12:00. Në PKK Bërnjak është arrestuar i dyshuari shtetas i Serbisë për shkak se i njëjti dyshohet se gjatë një fjalimi në fshatin Hoqë e Madhe ka cilësuar Ushtrinë Çlirimtare të Kosovës si organizatë terroriste duke i krahasuar veprimet e saj me ngjarje të rënda ndërkombëtare. Me këto veprime i njëjti dyshohet se ka kryer veprën penale të lartcekur. Nga i dyshuar në cilësi të provave materiale janë sekuestruar përkohësisht 2 telefona celularë. Me vendim të prokurorit i dyshuari pas intervistimit është dërguar në mbajtje”, thuhet në raport./teve1.info/
Policia e Kosovës ndalon Igor Popoviqin për deklarata fyese kundër UÇK-së
