Dhjetë persona janë arrestuar në Suharekë dhe me vendim të prokurorit janë ndaluar për 48 orë nën dyshimin se kanë organizuar lojëra të fatit paligjshëm.
Policia ka dhënë detaje shtesë për këtë rast që ka ndodhur më 28 shkurt.
Zëdhënësi rajonal i Policisë, Shqir Bytyqi, për teve1.info ka bërë të ditur se pas marrjes së informacioneve përmes rrugëve operative më 28 shkurt, kanë shkuar në lokacion ku në një kafiteri në Suharekë kanë hasur 10 persona të dyshuar, të cilët dyshohet se kanë qenë duke luajtur bixhoz në bazë të provave të gjetura në vend ngjarje.
“Pas marrjes se këtij informacioni dhe me urdhër të prokurorit të shtetit, Sektori i Hetimeve Rajonale nga Prizreni i është përgjigjur kësaj informate dhe kanë arritur nê këtë lokacion, janë futur brenda dhe aty kane hasur 10 persona të dyshuar, të cilët dyshohet se kane qenë duke luajtur bixhoz në bazë të provave të gjetura në vend ngjarje. Të dyshuarit pasi janë legjitimuar dhe kontrolluar janë sjell në polici në Prizren për procedura të me tutjeshme, gjithashtu janë sekuestruar dëshmitë të cilat dyshohet se janë përdorur apo ndërlidhen me veprën penale”, ka thënë Bytyqi.
Të dyshuarit janë intervistuar në prezencë të avokateve mbrojtës.
“Për të gjitha veprimet është informuar prokurori i shtetit, i cili ka lëshuar aktvendim për ndalimin e të 10 (dhjetë) të dyshuarve për 48 orë”, ka thënë .
Një nga të arrestuarit është edhe pronari i lokalit.
