Policia e Kosovës ka njoftuar se ka gjetur tjetër sasi të armëve dhe municionit në një tjetër shtëpi të braktisur në Zubin Potok
Sipas PK-së në fshatin Jagnjenicë pas pranimit të informacionit se në një shtëpi të braktisur mund të ketë armë të fshehtë kanë dalë në lokacionin e dyshuar ku është gjetur dhe sekuestruar armatimi.
Në këtë rast janë sekuestruar : 1 (një) pushkë e tipit M48, 244 (dyqind e dyzet e katër) fishekë të kalibrave të ndryshëm, 2 (dy) karikatorë të zbrazët si dhe, një sasi eksplozivi .
“Në vendin e ngjarjes kanë dalë edhe Njësia për Trajtimin e Eksplozivit(EOD) te cilët kanë tërhequr eksplozivin në mënyrë të sigurt, ndërsa hetimet janë duke vazhduar për të përcaktuar llojin e saktë të eksplozivit. Të gjitha veprimet policore janë ndërmarrë në koordinim të plotë me Prokurorin e Shtetit, i cili ka udhëzuar inicimin e rastit . “Mbajtje në pronësi, kontroll ose posedim të paautorizuar të armëve”. Lidhur me këtë rast, nuk ka persona të arrestuar, ndërsa rasti mbetet nën hetime”, thuhet në komunikatën e PK-së.
Gjatë ditës Policia e Kosovës ka njoftuar se ka gjetur një sasi të armëve në një shtëpi të braktisur në Zveçan.
