Policia e Kosovës ka njoftuar se ka gjetur një sasi të armëve në një shtëpi të braktisur në Zveçan.
Policia ka bërë të ditur se armët janë gjetur në një shtëpi në fshatin Joshevik, komuna e Zveçanit, pas pranimit të informatave përmes rrugëve operative.
Në këtë rast janë sekuestruar: 1 armë automatike AK-47, 1 pushkë gjysmë automatike dy tytëshe, 10 karikatorë të zbrazët, 6 karikatorë të mbushur me nga 30 fishekë, 84 copë fishekë për pushkë automatike, 14 copë fishekë për pushkë gjysmë automatike, 1 rrip për fishekë,2 granata dore M50, Si dhe pajisje për pastrimin e armëve.
Lidhur me rastin është njoftuar Prokurori i Shtetit, i cili ka udhëzuar inicimin e rastit për veprën penale “Mbajtje në pronësi, kontroll ose posedim të paautorizuar të armëve”
Policia ka bërë të ditur se në këtë fazë nuk ka të arrestuar për këtë rast.
