Policia e Kosovës është në kërkim të dy personave që dyshohet se kanë kryer veprën penale vrasje në tentativë.
Personat e kërkuar janë të dyshuar se kanë kryer veprën penale vrasje në tentativë me datë 10.07.2024 në rrugën “Evlia Qelebiu” në Mitrovicë, ku në këtë rast një person është plagosur me armë zjarri.
“Policia e Kosovës kërkon nga qytetarët e Republikës së Kosovës që për çdo informacion që ndërlidhet me personat në kërkim apo vendndodhjen e tyre, të lajmëroj Policinë e Kosovës. Informacione për personat në kërkim, mund të dërgohen në Nënstacionin/Stacionin Policor me të afërt, përmes telefonit apo edhe përmes aplikacionit ,,Lajmëro Policinë”’, thuhet mes tjerash në njoftim.
