Policia Rajonale e Ferizajt ka realizuar 46 urdhëresa të gjykatave për një javë, raporton teve1.info
Sipas njofitmit të Policisë së Kosovës në Rajonin e Ferizajt, realizimi i këtyre urdhëresave ka ndodhur në mes të datave 14 deri më 20 gusht 2023, derisa kanë të bëjnë me vepra të ndryshme penale.
“Policia Rajonale e Ferizajt në bazë të planit operativ, realizimi i urdhëresave të Gjykatave Themelore, gjatë javës që shkoi nga data 14-20/08/2023 ka realizuar 46 urdhëresa të gjykatave kompetente për vepra të ndryshme penale.
Policia Rajonale e Ferizajt do të vazhdojë edhe në ditët në vijim me realizimin e urdhëresave ndaj personave që ende nuk i janë përgjigjur thirrjes së gjykatës”, thuhet në njoftimin e Policisë.
Policia e Kosovës ka ftuar qytetarët të bashkëpunojnë me policinë, nëse kanë informacione për personat që janë të kërkuar nga organet e rendit, të njoftojnë menjëherë policinë, stacionin më të afërt, apo përmes aplikacionit digjital “Lajmëro Policinë” dhe në numrat kujdestarë: 192,0290/326-250 & 0290/322-406.
“Të dhënat e juaja do të ruhen në konfidencialitet të plotë”, ka bërë të ditur Policia.
