“Me datën 8 shtator 2022, Policia e Kosovës, pas pranimit të informacioneve të lartcekura, ka ndërmarrë veprime të menjëhershme për ndalimin e automjetit të dyshuar, me ç’rast i njëjti është hasur nën drejtim të të dyshuarit mashkull kosovar (1993), ku gjatë kontrollimit të automjetit janë gjetur rreth 80 pako gaz për ngjyra pa dokumente përcjellëse”, thuhet në komunikatën për medite të Policisë së Kosovës.
Sipas njoftimit, malli i sekuestruar i është dorëzuar Doganës së Kosovës.
“Policia e Kosovës në bashkëpunim me Doganën e Kosovës, me qëllim të parandalimit dhe luftimit të veprave të kundërligjshme dhe kontrabandës, bazuar në informacionet dhe hetimet preliminare, ka ndaluar një automjet të dyshuar për kontrabandim të mallrave nga veriu në jug të Mitrovicës”, thuhet në njoftim.
Policia e Kosovës dhe Dogana e Kosovës do të vazhdojnë bashkëpunimin dhe koordinimin e ndërsjellët, me qëllim të luftimit të kontrabandës dhe dukurive të tjera negative në tërë vendin, thuhet në njoftimin e Policisë.
