Policia së bashku me Doganën e Kosovës e ka zhvilluar një aksion kundër kontrabandës në komunën e Pejës, raporton teve1.info
Zëdhënësi i Policisë së Kosovës, Baki Kelani, tha për teve1.info se aksioni operacioni është zhvilluar në luftë kundër kontrabandës me mallra.
Megjithatë, Kelani tha se informacionet e detajuara do të bëhen të ditura pas përfundimit të operacionit.
“Policia e Kosovës me njësitet relevante, në bashkëpunim dhe koordinim me prokurorinë, doganën dh ATK-në, ka realizuar një operacion policor në disa lokacione të komunës së Pejës.
Operacioni ndërlidhet me luftën ndaj kontrabandës së mallrave.
Pas përfundimit të këtij operacioni, do të bëhen të ditura informacionet tjera”, ka thënë Kelani.
