Policia e Kosovës ka njoftuar se këtë të mërkurë në Stacionin Policor në Kaçanik janë raportuar dy raste, “Vjedhje e rëndë” dhe “Vjedhje e rëndë në tentativë”, të ndodhura në rrugën “Idriz Seferi”.
Sipas njoftimit, hetuesit policorë, pas analizimit të provave materiale dhe punës operative në terren, kanë identifikuar dhe arrestuar një 21-vjeçar me inicialet I.R.
Policia bën të ditur se gjatë intervistimit, në prani të avokatit mbrojtës, i dyshuari ka pranuar përfshirjen në dy rastet e raportuara më 5 gusht 2026, si dhe në një rast tjetër të “Vjedhjes së rëndë”, të raportuar më 8 korrik 2026.
Të gjitha veprimet thuhet se janë ndërmarrë në konsultim me prokurorin e shtetit, ndërsa pas përfundimit të procedurave ligjore, i dyshuari është liruar në procedurë të rregullt./teve1.info/
