Policia e Kosovës njofton se në bashkëpunim me Ambasadën e Shteteve të Bashkuara në Prishtinë, Programin Ndërkombëtar të Asistencës në Trajnim për Hetimet Kriminale të Departamentit të Drejtësisë (ICITAP) dhe Administratën për Zbatimin e Drogës (DEA), përfunduan me sukses kursin njëjavor për Informatorët Konfidencial të mbajtur në Prishtinë.
Përmes një postimi në Facebook, thuhet se kursi u zhvilluar nga instruktorë të DEA-s, të cilët kanë ligjëruar mbi menaxhimin e burimeve konfidenciale dhe planifikimin operacional.
“Më 26 prill 2024, Policia e Kosovës, në bashkëpunim me Ambasadën e Shteteve të Bashkuara në Prishtinë, Programin Ndërkombëtar të Asistencës në Trajnim për Hetimet Kriminale të Departamentit të Drejtësisë (ICITAP) dhe Administratën për Zbatimin e Drogës (DEA), përfunduan me sukses kursin njëjavor për Informatorët Konfidencial. mbajtur në Prishtinë. Të 22 pjesëmarrësve, përfaqësues të Policisë së Kosovës dhe Inspektoratit Policor, iu dorëzuan certifikatat. Kursi u zhvillua nga instruktorë të DEA-s, të cilët ligjëruan mbi menaxhimin e burimeve konfidenciale dhe planifikimin operacional. Programi u vlerësua për përmbajtjen e tij të specializuar, të avancuar dhe informative, e cila u dha pjesëmarrësve njohuri të vlefshme për zhvillim profesional”, thuhet në njoftimin e Policisë.
Policia e Kosovës ka falënderuar ekipin e ICITAP-it për përkushtimin dhe mbështetjen e tyre dhe stafin e DEA-s për njohuritë dhe aftësitë e tyre që kontribuan në suksesin e trajnimit.
Po ashtu, Policia ka përsëritur përkushtimin e saj për programe të specializuara dhe të avancuara të trajnimit për të rritur aftësitë e agjencisë./teve1.info/.
