Policia përmes një komunikate ka thënë se i njëjti është trajnuar mirë si dhe i janë lexuar dhe i janë respektuar të drejtat njerëzore që i takojnë një të ndaluar.
“I njëjti është trajtuar mjaft mirë konform rrethanave të krijuara, ndaj të njëjtit janë respektuar të drejtat njerëzore që i takojnë personit të ndaluar, i janë lexuar të drejtat e tij, i është ofruar avokati mbrojtës si dhe i është lejuar përdorimi i barnave mjekësore. Po ashtu Policia e Kosovës ka arritur që të sigurojë barnat e nevojshme për personin e ndaluar”, thuhet në komunikatën e PK-së, raporton teve1.info.
Sa i përket situatës së sigurisë, policia thotë se aktet kriminale, si shpërthimet e sulmet me armë zjarri kanë vështirësuar punën e institucioneve të sigurisë.
“Policia e Kosovës, me qëllim të informimit të vazhdueshëm dhe të drejtë të opinionin publik,njofton se edhe sot situata e sigurisë në veri të vendit është e njëjtë, dy pikat kufitare Jarinje dhe Bërnjak vazhdojnë të jenë të mbyllura, siç dihet për shkak të vendosjes së barrikadave nga grupet kriminale. Aktet kriminale, vendosja e barrikadave, sulmet me armë zjarri e mjete shpërthyese, kanë vështirësuar punën e institucioneve të sigurisë, kanë cenuar lirinë e lëvizjes së lirë të qytetarëve dhe mallrave, por nuk kanë ndaluar punën e Policisë së Kosovës e cila në vazhdimësi është angazhuar maksimalisht në ofrimin e sigurisë ndaj të gjithë qytetarëve dhe vendit”, thuhet në komunikatë./teve1.info/
