Sipas një njoftimi në faqen e organizatës “Pishtarët” në Facebook, ky vendim i mbron të drejtat e qytetarëve dhe interesin publik karshi firmave private.
“Lajm i mire për Kosovën- Gjykata Supreme prape e aprovon pezullimin e lejeve famëkeqe te Kelkosit.
Ne Nëntor 2022, Gjykata Kushtetuese e pate hequr masën e përkohshme për operimet e hidrocentraleve ne Deçan dhe e ktheu këtë çështje ne rivendosje tek Gjykata Supreme. Jemi njoftuar se Gjykata Supreme ne vendimin e ri e kthen prape masën e përkohshme, duke argumentuar se ne te kundërtën, operimi i HCve mund t’i shkaktoje dëme te pariparueshme interesit publik dhe qytetareve te Deçanit.
Ky vendim është shume i rëndësishëm për themelet e demokracisë dhe te drejtat e qytetareve ne mbrojtje te interesit publik përballë aktereve te fuqishëm si Kelkosi”, thuhet ndër të tjera në njoftim.
Sipas komunikatës, kjo organizatë shpreson se ky vendim do te shtyje Kelkosin dhe zinxhirin e institucioneve të Kosovës të jenë më transparente.
“Që nga Komuna e Deçanit, Ministrisë, ZRRE-së dhe deri te Zyra e Kryeministrit që tash e tutje të veprojnë me transparencë dhe të i respektojnë të drejtat e qytetareve të Deçanit dhe shoqërisë civile në mbrojtje të mjedisit. Lumbardhi është i popullit dhe askush nuk ka të drejtë të bëjë pazare pas dyerve të mbyllura me ujin dhe jetesën tonë”, thuhet në njoftim.
