Ndaj kësaj ka reaguar ashpër drejtori i së ashtuquajturës Zyrë për Kosovën në Serbi, Petar Petkoviq.
Petkoviq ka thënë se hartimi i statutit është kompetencë ekskluzive e Ekipit Menaxhues për themelimin e Asociacionit të Komunave Serbe.
“Hartimi i Statutit të Bashkësisë së Komunave Serbe është kompetencë ekskluzive e Ekipit Menaxhues për themelimin e Bashkësisë së Komunave Serbe, siç është përcaktuar saktësisht me marrëveshjet e arritura në dialogun e Brukselit në vitin 2013 dhe 2015, kështu që nuk ekziston një bazë apo arsye e vetme ligjore që kjo punë të bëhet nga cilado organizatë joqeveritare, apo ndonjë subjekt tjetër”, tha Petkoviq.
“Këtë e vërteton edhe neni 21 i Parimeve të Përgjithshme të vitit 2015, ku thuhet se Statuti i Asociacionit do të hartohet nga ekipi menaxhues dhe do t’i paraqitet një dialogu të nivelit të lartë brenda katër muajve…”, tha Petkoviq, shkruan rts.
Sipas Petkoviqit, kësisoj po tentohet të paraqitet Asociacioni si OJQ.
“Me kompetenca drastikisht më të vogla në krahasim me ato të dakorduara në marrëveshje – ku saktësohet se Asociacioni i Komunave Serbe do të ketë kompetenca ekzekutive për të mbrojtur të drejtat kolektive të serbëve në Kosovë dhe Metohi”, tha Petkoviq.
