Drejtori i së ashtuquajturës Zyrë për Kosovën në Qeverinë e Serbisë, Petar Petkoviq, mori pjesë në liturgjinë e mesnatës së Pashkëve, e cila u mbajt në Manastirin e Deçanit.
Duke i uruar besimtarët për Pashkët, Petkoviq tha se është e rëndësishme të ruhet paqja, por edhe të vazhdohet me fuqizimin ekonomik të popullit serb në Kosovë.
E kjo vizitë e Petkoviq është bërë pas aprovimit të kërkesës së tij nga Ministria e Punëve të Jashtme të Kosovës.
“Dhënia e lejes për vizitë bazohet në marrëveshjen lidhur me vizitat e ndërsjellta të përfaqësuesve politikë mes Kosovës dhe Serbisë”, ka thënë për teve1.info Qendresa Fazliu, nga Zyra për Informim e MPJD-së.