Drejtori i së ashtuquajturës Zyrë për Kosovën në Qeverinë e Serbisë, Petar Petkoviq, mori pjesë në liturgjinë e mesnatës së Pashkëve, e cila u mbajt në Manastirin e Deçanit.
Duke i uruar besimtarët për Pashkët, Petkoviq tha se është e rëndësishme të ruhet paqja, por edhe të vazhdohet me fuqizimin ekonomik të popullit serb në Kosovë.
“…Dhe këtë vit populli serb në Kosovë e Metohi dhe Kisha jonë Ortodokse mirëpresin Pashkët me sfida të shumta, këto janë sfida edhe për shtetin e Serbisë, por shpresojmë se do ta ruajmë paqen dhe do të kemi sukses në arritjen e normalizimit të marrëdhënieve, gjë që është shumë e nevojshme si për serbët ashtu edhe për shqiptarët”, tha ndër të tjerash Petkoviq, shkruan Kosovo online.
