Një 35-vjeçar ka therur me thikë pesë persona që po ndiqnin sot një ndeshje sportive përpara një lokali në Bielefeld dhe policia është vënë në kërkim të tij.
Katër persona kanë pësuar lëndime të rënda dhe janë duke u trajtuar në spital, dhe njëri nga të lënduarit është në rrezik për jetën, sipas policisë.
35-vjeçari nga Harsewinkel, identiteti i të cilit nuk u bë i ditur nga policia gjermane, konsiderohet si i dyshuar lidhur me sulmin.
Sipas policisë, sulmuesi ka marrë plagë në fytyrë, ndërkohë nuk dihen rrethanat e krimit dhe motivi.
Personat e lënduar janë të moshës 22 deri në 27-vjeç. Ata mësohet se janë mbrojtur me goditje kundër sulmuesit.
Policia në vendngjarje ka sekuestruar disa thika dhe një çantë të lënë pas nga sulmuesi i dyshuar me dokumente identiteti dhe një shishe me një lëng të panjohur me erë benzine, raporton KosovaPress.
