Pas evakuimit të disa shqiptarëve nga Izraeli dy 10 ditë më parë, qeveria e Shqipërisë është përfshirë në një operacion evakuimi të shtetasve shqiptarë nga Irani.
Ministri i Punëve të Jashtme, Igli Hasani për herë të parë në një intervistë ka dhënë detajet e evakuimit nga Irani të një familje shqiptare.
“Kemi ruajtur vëmendjen maksimale edhe për shtetasit shqiptarë që gjenden në vende me të cilat ne nuk kemi marrëdhënie diplomatike siç është Irani. Pesë ditë më parë kemi bërë të mundur tërheqjen e një familje nga Irani përmes vendeve fqinje që janë vende mike dhe partnere. Kemi bërë të mundur që një familje me dy prindër dhe tre fëmijë të mbërrijnë e të hynë në territorin e Republikës të Shqipërisë duke angazhuar fort gjithë networkun tonë diplomatik”, deklaroi shefi diplomacisë shqiptare./TopChannel
