Pesë raste të dhunës në familje janë raportuar në Policinë e Kosovës gjatë 24 orëve të fundit.
Sipas raportit, rastet kanë ndodhur në Prishtinë, Fushë Kosovë, Podujevë, Ferizaj dhe në Pejë.
Lidhur me këto raste me vendim të prokurorit tre persona janë dërguar në mbajtje, kurse tre persona janë liruar në procedurë të rregullt pas intervistimit të tyre.
Njoftimi i policisë:
-Prishtinë 25.08.2024-17:00. Viktima femër kosovare ka njoftuar se gjersa ishte tek hyrja e QKUK-së është sulmuar fizikisht nga bashkëshorti i saj i dyshuari mashkull kosovar. I dyshuari është arrestuar dhe pas intervistimit me vendim të prokurorit lirohet në procedurë të rregullt.
-Fushë Kosovë 23.08.2024 – NN. Janë arrestuar një mashkull dhe një femër shtetas shqiptar -bashkëshort pasi që, pas një mosmarrëveshje kanë ofenduar dhe sulmuar fizikisht njëri tjetri. Me vendim të prokurorit pas intervistimit palët janë liruar dhe rasti shkon në procedurë të rregullt.
-Podujevë 25.08.2024-11:45. Është arrestuar i dyshuari mashkull kosovar pasi që, i njëjti kishte sulmuar fizikisht dy viktimat kosovar/e nënën e tij dhe vëllain e tij. Pas intervistimit me vendim të prokurorit i dyshuari është dërguar në mbajtje.
-Ferizaj 25.08.2024-16:15.Viktima femër kosovare ka njoftuar se ishte sulmuar fizikisht nga bashkëshorti i saj i dyshuari mashkull kosovar. Njësitet e hetuesisë nga i dyshuari kanë konfiskuar një revole të llojit TT me 6 fishek të kalibrit 7.62mm. Me vendim të prokurorit i dyshuari dërgohet në mbajtje.
-Pejë 25.08.2024 – 00:30. Është arrestuar i dyshuari mashkull kosovar pasi që, kishte ushtruar dhunë fizike ndaj bashkëshortes dhe djalit të tij viktimave kosovar/e. Viktimave i është ofruar tretman mjekësor. Me vendim të prokurorit i dyshuari është dërguar në mbajtje./teve1.info/
