Presidentja e Kosovës, Vjosa Osmani ka përkujtuar përvjetorin e nisjes së bombardimeve të NATO ndaj caqeve ushtarake dhe policore të Serbisë.
Ajo ka theksuar se “aleancat që mbrojnë lirinë” duhet të ruhen me të njëjtin përkushtim si vetë liria.
“27 vjet më parë, kur populli i Kosovës përballej me shfarosje nga Serbia gjenocidale, NATO veproi. Kosova nuk harron. Aleancat që mbrojnë lirinë duhet t’i ruajmë po aq sa vetë lirinë”, ka shkruar Osmani në një postim në Facebook, ku ka shpërndarë edhe fjalimin e ish-presidentit amerikan Bill Clinton, i cili kishte dhënë urdhrin për fillimin e fushatës së bombardimeve.
Të martën, Osmani ka bërë gjithashtu homazhe te Pllaka memoriale e ushtarëve të KFOR-it të rënë gjatë shërbimit në Kosovë./teve1.info/
