Në komunën e Suharekës u bë përurimi i Shtëpisë së Kulturës “Ukë Bytyçi’’. Të pranishëm ishin edhe presidentja e Kosovës, Vjosa Osmani dhe kryeministri, Albin Kurti, të cilët e vlerësuan lart bashkëpunimin e nivelit qendror e atij lokal.
Nga ballkoni po i përshëndesin qytetarët.
E gëzimin për përurimin e tij po e ndajnë bashkë.
Këtë të hënë në Suharekë, u bë hapja e Shtëpisë së Kulturës “Ukë Bytyçi’’.
E i gjithë ky investim kushtoi plot 3.8 milionë euro.
Presidentja e Kosovës, Vjosa Osmani theksoi se hapja e këtij objekti shënon një rrugëtim transformues për këtë komunë.
Bashkëpunimin mes nivelit qendror dhe atë lokal e vlerësoi lart kryeministri, Albin Kurti.
Kryetari i Suharekës, Bali Muharremaj tregoi se si nisi ndërtimi i këtij objekti kulturor.
Në këtë ceremoni ishin të pranishëm edhe përfaqësues të partive opozitare e kryetarë komunash.
