Në qytetin e Podujevës sot është përuruar Poliklnika Specialistike me një investim 2.43 milionë euro.
Në përurim morën pjesë, kryeministri në detyrë Albin Kurti, kryetari i Podujevës Shpejtim Bulliqi dhe ministri i Shëndetësisë, Arben Vitia.
Në njoftimin e LVV-së thuhet se kjo poliklinikë do të ofrojë 15 shërbime specialistike në fusha të ndryshme mjekësore, përfshirë repartin e hemodializës, i cili ka nisur punën një muaj më parë.
“Tashmë qytetarët e Podujevës nuk kanë më nevojë të udhëtojnë në Prishtinë për shërbime specialistike. Kemi krijuar një ambient të denjë, të pastër dhe të pajisur mirë për trajtim mjekësor cilësor”, deklaroi Kurti.
“Shërbimet përfshijnë: kardiologji, reumatologji, endokrinologji, kirurgji, ortopedi, pediatri, gjinekologji, neurologji, analizat laboratorike, radiologji dhe të tjera. Investimi për këtë projekt kap vlerën prej afro 2.43 milionë euro”.
Ndërsa, Bulliqi deklaroi se po i realizojnë premtimet dhe po ofrojnë shërbime në kushte të standardeve bashkëkohore.
