Në ditën Ndërkombëtare të Gruas, në Gjilan është përuruar shtatorja që i dedikohet vajzave dhe grave për kontributin e tyre ndër breza.
Ministrja e Drejtësisë, Albulena Haxhiu tha se përurimi i shtatores “Heroina e qytetit”, sipas saj, është më e pakta që mund të bëjnë për kontributin e grave.
“Sot me 8 Mars, përuruam shtatoren që i dedikohet vajzave dhe grave për kontributin e tyre të vazhdueshëm në shoqëri dhe ndër breza. Heroinat janë në çdo qytet. Mirënjohja për qëndresën, kontributin e angazhimin e vazhdueshëm të grave është më e pakta që mund të bëjmë. Angazhimi për drejtësi e barazi është detyrë dhe obligim”, shkroi ajo./teve1.info./
