Real Madrid – Juventus, vlerësohet si ndeshja kryesore e së mërkurës në Ligën e Kampionëve.
Kjo përballje gjigantësh, zhvillohet në stadiumin “Santiago Bernabeu” në Madrid me fillim nga ora 21:00, dhe i takon xhiros së tretë të fazës së ligës në Champions.
Real Madridi i drejtuar nga Xabi Alonso synon fitoren e tretë në po aq ndeshje të luajtura në Champions, ndërsa Juventusi kërkon fitoren e parë pas dy barazimeve rresht.
Reali mposhti Marseillen 2:1 dhe triumfoi 5:0 ndaj Kairatit në dy xhirot e para derisa Juventusi barazoi 4:4 me Borussia Dortmundin dhe 2:2 me Villarrealit.
Spanjollët janë në moment të mirë edhe në La Liga për dallim prej Juventusit që nuk di për fitore në Serie A që nga 13 shtatori, ndërsa vikendin e shkuar pësoi 2:0 nga Como.
Pjesë e Juventusit për këtë ndeshje është edhe ylli i Kosovës, Edon Zhegrova që është përfshirë në listë nga trajneri Igor Tudor dhe mbetet të shihet nëse do të ketë minutazhë.
Prej orës 21:00 përveç derbit në Madrid, janë edhe ndeshjet: Atalanta – Slavia, Bayern – Brugge, Chelsea – Ajax, Eintracht Frankfurt – Liverpool, Monaco – Tottenham dhe Sporting Marseille.
Ndërkohë, prej orës 18:45, zhvillohen duelet Athletic Bilbao – Qarabag dhe Galatasaray Bodo/Gmilt.
