Përparim Avdili, asamblist nga Partia Liberale (FDP) në Cyrih të Zvicrës është nominuar zyrtarisht kandidat për zgjedhjet e Parlamentit të Zvicrës.
Këtë e ka bërë të ditur vet Avdili përmes një postimi në Facebook.
“Lajm i madh! Jam nominuar zyrtarisht kandidat për zgjedhjet e Parlamentit të Zvicrës!”.
“Me mbështetjen e familjes, miqve dhe FDP-së, jam i gatshëm të punoj për rajonin tonë dhe të përfaqësoj vlerat dhe vizionet tona”.
“Faleminderit për mbështetjen tuaj – me përparim në të ardhmen!”, shkruan në vazhdim Avdili, i pari politikan me rrënjë shqiptare në Parlamentin e Cyrihut.
Gjithashtu Avdili, nga viti i kaluar është edhe kryetar i FDP-së për qytetin e Cyrihut.
Pas Reis Luzhnicës dhe Islam Alijajt, të dy nga Partia Socialdemokrate, të cilët ishin nominuar ditë më parë, Cyrihu nominon edhe një kandidat tjetër me rrënjë shqiptare, kësaj radhe nga FDP, për zgjedhjet në nivel nacional, që mbahen më 22 tetor të këtij viti.
Përparim Avdili është 35 vjeçar, i lindur në rrethinën e Kumanovës dhe i ardhur në Zvicër në moshën 1-vjeçare.
