Policia e Kosovës ka arrestuar 5 persona në Prishtinë, raporton teve1.info.
Sipas njoftimit, të njëjtit pas një mosmarrëveshje dyshohet se kishin sulmuar me mjete të forta dy meshkuj kosovarë.
Policia njofton gjithashtu se dyshohet edhe për të shtëna me armë zjarri pasi, në vendin e ngjarjes është gjetur edhe një gëzhojë.
“Janë arrestuar pesë (5) të dyshuar meshkuj kosovarë pasi që të njëjtit pas një mosmarrëveshje dyshohet se kishin sulmuar fizikisht me mjete të forta dy viktimat meshkuj kosovarë. Dyshohet të ketë pasur edhe të shtëna me armë zjarri pasi që në vendin ngjarjes është gjetur një gëzhojë”, thuhet në njoftim.
Tutje thuhet se dy viktimat dhe njëri prej të dyshuarve kanë pranuar tretman mjekësor.
Derisa të gjithë personat e përfshirë janë intervistuar dhe me vendim të prokurorit, dy prej të dyshuarve janë dërguar në mbajtje.
Rasti vazhdon në procedurë hetimore./teve1.info./
