Katër persona, njëri prej të cilëve i mitur, janë arrestuar të shtunën pasi dyshohet se pas mosmarrëveshje janë përleshur në mes vete.
Sipas Policisë, rasti ka ndodhur në rrugën “Dardania” në Fushë-Kosovë, ndërsa njëri nga të dyshuarit ka pranuar trajtim mjekësor.
Me vendim të prokurorit, pas intervistimit thuhet se tre të dyshuarit janë dërguar në mbajtje, kurse i mituri është liruar në procedurë të rregullt.
“Janë arrestuar katër të dyshuar m/k, njëri i mitur pasi që të njëjtit pas një mosmarrëveshje janë përleshur në mes vete. Njëri nga të dyshuarit ka pranuar tretman mjekësor dhe me vendim të prokurorit pas intervistimit tre të dyshuarit janë dërguar në mbajtje, ndërsa i dyshuari i mitur është liruar në procedurë të rregullt”, thuhet në raportin e PK-së.
