Një përleshje fizike mes dy të dënuarve ka ndodhur në Burgun e Sigurisë së Lartë në Kosovë, ndërsa rasti është duke u hetuar nga Policia e Kosovës.
Lajmin e ka konfirmuar Shërbimi Korrektues i Kosovës, duke bërë të ditur se incidenti ka ndodhur më 7 nëntor 2026.
Sipas SHKK-së, pas përleshjes, të dy të dënuarit kanë marrë trajtim mjekësor nga stafi shëndetësor i burgut, në përputhje me procedurat standarde.
Po ashtu, ndaj tyre janë ndërmarrë masa disiplinore, ndërsa rrethanat e incidentit janë duke u hetuar nga organet kompetente.
“Shërbimi Korrektues i Kosovës konfirmon se më 07.11.2026, në Burgun e Sigurisë së Lartë, ka ndodhur një incident në mes të dy të dënuarve. Pas incidentit, të dy të dënuarit janë trajtuar nga stafi shëndetësor i burgut, në përputhje me procedurat standarde që zbatohen në raste të tilla. Ndaj të dënuarve janë ndërmarrë masa disiplinore, ndërsa rasti është duke u hetuar edhe nga Policia e Kosovës”, thuhet në përgjigjen e SHKK-së.
