80-vjetori i çlirimit të Aushvicit nga trupat sovjetike po shënohet të hënën në vendin e ish-kampit të vdekjes, një ceremoni që po trajtohet gjerësisht si kremtimi i fundit madhor që një numër i dukshëm i të mbijetuarve do të mund të marrin pjesë.
Forcat gjermane naziste vranë rreth 1.1 milion njerëz në vendin në Poloninë jugore, e cila ishte nën pushtimin gjerman gjatë Luftës së Dytë Botërore. Shumica e viktimave ishin hebrenj të vrarë në një shkallë industriale në dhomat e gazit, por edhe polakë, romë, të burgosur lufte sovjetike, homoseksualë dhe të tjerë që ishin në shënjestër për eliminim në ideologjinë racore naziste.
Të mbijetuarit e moshuar të kampit, disa të veshur me shalle me vija blu dhe të bardhë që kujtojnë uniformat e tyre të burgut, ecën së bashku drejt Murit të Vdekjes, ku u ekzekutuan të burgosurit, duke përfshirë shumë polakë që i rezistuan pushtimit të vendit të tyre, raporton AP.
Atyre iu bashkua presidenti polak Andrzej Duda, kombi i të cilit humbi 6 milionë qytetarë gjatë luftës. Ai mbante një qiri dhe eci me drejtorin e Muzeut Shtetëror të Aushvic-Birkenau, Piotr Cywinski.
Kombet e Bashkuara caktuan 27 janarin si Ditën Ndërkombëtare të Përkujtimit të Holokaustit.
