Një zyrtar i lartë evropian të hënën paralajmëroj Shtetet e Bashkuara që të mos ndërhyjnë në çështjet e Evropës, duke thënë se vetëm banorët e Evropës mund të vendosin se cilat parti duhet t’i qeverisin.
Reagimi i Presidentit të Këshillit Evropian, Antonio Costa vjen pas publikimit të një dokumenti për strategjinë dhe sigurinë e SHBA-së nga Departamenti i Shtetit të premtën.
Dokumenti kritikonte Evropën se po shtyp opozitën politike dhe censuron fjalën e lirë.
Është “mirë” që strategjia i përshkruan vendet evropiane si aleate, por “aleatët nuk kërcënojnë të ndërhyjnë në zgjedhjet politike të brendshme të aleatëve të tyre”, tha Costa, citon AP.
“Ajo që nuk mund ta pranojmë është kërcënimi i ndërhyrjes në jetën politike evropiane. Shtetet e Bashkuara nuk mund t’i zëvendësojnë qytetarët evropianë në zgjedhjen e partive të mira ose të këqija”, tha ai në Paris në Institutin Jacques Delors, një organizatë kërkimore.
