Për një periudhë të gjatë Kosova nuk ka arritur të anëtarësohet në organizata të rëndësishme ndërkombëtare.
Njëra prej problemeve kryesore që e ka penguar Kosovën ta forcojë subjektivitetin e saj në arenën ndërkombëtare është lobimi i vazhdueshëm i Serbisë kundër pavarësisë së Kosovës.
Krerët e vendit thonë se tani është krijuar një moment i volitshëm që Kosova të aplikojëpër t’u anëtarësuar në Këshillin e Evropës.
Por nga Këshilli i Evropës, në një përgjigje dhënë Tëvë1 nuk kanë përmendur një momentum të tillë.
“Ne mund t’ju informojmë se nga Kosova nuk është pranuar asnjë kërkesë për anëtarësim në Këshillin e Evropës dhe nuk do të donim të spekulonim për këtë. Çdo kërkesë për t’u anëtarësuar në Organizatë do të ishte një çështje që 46 shtetet anëtare të Këshillit të Evropës do ta shqyrtojnë dhe të marrin një vendim”, thuhet në përgjigjen e KE.
Përjashtimi i Rusisë nga Këshilli i Evropës i ka hapur rrugë anëtarësimit të Kosovës në Këshill të Evropës thotë analistja politike Donika Emini.
Megjithatë sipas saj është i domosdoshëm një unifikim mes partive politike në vend që të arrihet ky qëllim.
E sipas Profesorit të Shkencave Politike, Avdi Smajljaj, Kosova tashmë ka mjaftueshëm vota që të bëhet pjesë e Këshillit.
Për t’u bërë pjesë në Këshillit të Evropës, Kosova duhet t’i sigurojë 2/3 e votave në Këshillin e Ministrave.
Raporti i gazetarit Shpat Blakçori.
