Protesta gjithëpopullore e organizuar nga Organizata e Veteranëve të Luftës së UÇK-së ka përfunduar pas disa orësh qëndrimi në sheshin “Skënderbeu” në Prishtinë.
Mijëra qytetarë erdhën nga të gjitha trojet shqiptare për të kundërshtuar Gjykatën Speciale.
Në protestë folën Hysni Gucati, Arbër Cacaj, djali i dëshmorit Nagip Cacaj, hetuesja Nevenka Tromp dhe Ali Ahmeti.
Në këtë protestë kanë marrë pjesë numër i madh i qytetarëve dhe figura politike e artistë.
Kryetari i Organizatës së Veteranëve të Luftës së UÇK-së, Hysni Gucati, u shpreh me tone të forta kundër Gjykatës Speciale, duke e quajtur atë “anti-UÇK” dhe akuzoi për deformim të historisë së luftës çlirimtare.
Gucati në protestë: Gjykata Speciale është anti-UÇK dhe po deformon historinë tonë
Në këtë protestë foli edhe Nevenka Tromp, ish-hetuese e Tribunalit të Hagës në rastin kundër Sllobodan Millosheviqit.
Ish-hetuesja e Tribunalit të Hagës në protestë: Drejtësia e vonuar është drejtësi e mohuar
Kreu i BDI-së, Ali Ahmeti, tha se UÇK ka bërë luftë të drejtë e cila sipas tij solli stabilitet në rajon.
Ahmeti: UÇK dhe liderët e saj bënë ndryshim gjeostrategjik që solli stabilitet në rajon
