Kreu i Bashkimit Demokratik për Integrim në Maqedoninë e Veriut, Ali Ahmeti ka thënë se protesta e sotme kundër Gjykatës Speciale është dëshmi për të treguar bashkimin për të kërkuar liri për ish-krerët e UÇK-së, që siç ka thënë ai po mbahen padrejtësisht.
Ahmeti ka thënë se lufta e UÇK-së ishte e pastër dhe çlirimtare.
Ai në fjalimin e tij në protestë ka thënë se UÇK dhe liderët e saj bënë ndryshime gjeostrategjike që solli stabilitet në rajon.
“UÇK dhe udhëheqësit e saj sollën ndryshime gjeostrategjike duke sjellë perëndimin, NATO-n ShBA-në, BE-në në Ballkan pas rënies së Millosheviqit. Ky ndryshim solli stabilitet, bashkëpunim rajonal dhe perspektivë pro-perëndimit, dhe këtë e bënë këta liderë që sot mbahen padrejtësisht prapa grilave në Hagë. Tani në rajonin tonë me disa liderë të rinj, më së shumti mungon, stabiliteti, bashkëpunimi, solidariteteti dhe qartësia pro-perëndimore”, ka thënë Ahmeti i cili ka qenë komandat politik i UÇK-së në Maqedoni.
