Ka përfunduar procesi i numërimit të votave në komunën e Vushtrrisë, ku Partia Demokratike e Kosovës (PDK) ka dalë fituese e raundit të parë me një epërsi të dukshme ndaj konkurrentëve të tjerë.
Sipas të dhënave zyrtare të publikuara nga Komisioni Qendror i Zgjedhjeve (KQZ):
Ferit Idrizi (PDK) ka marrë 45.56% të votave;
Sylejman Meholli (VV) renditet i dyti me 30.63% të votave.
Nga 77,083 qytetarë me të drejtë vote, kanë votuar gjithsej 29,688 qytetarë, duke e çuar përqindjen e pjesëmarrjes në rreth 38.5%.
Numërimi është kryer në të gjitha 97 qendrat e votimit, dhe të dhënat janë përfundimtare për këtë fazë të procesit zgjedhor në komunën e Vushtrrisë.
Me këto rezultate, është shumë e mundur që gara të shkojë në balotazh, për shkak se asnjë kandidat nuk e ka kaluar pragun prej 50% + 1 të votave të vlefshme. Konfirmimi zyrtar për balotazhin do të bëhet nga KQZ në ditët në vijim.
