Komisioni Qendror i Zgjedhjeve ka bërë të ditur se procesi i numërimit të votave për zgjedhjet e parakohshme parlamentare të 7 qershorit 2026 po vazhdon në disa komuna të vendit.
Zëdhënësi i KQZ-së, Valmir Elezi, ka njoftuar se deri të enjten në orën 09:00, numërimi dhe verifikimi ka përfunduar në 28 nga 38 Qendra Komunale të Numërimit.
“Deri më tani procesi i verifikimit dhe numërimit ka përfunduar në 28 Qendra Komunale të Numërimit, ndërkaq janë procesuar 2,118 nga 2,498 vendvotime, apo 84.79%”, ka deklaruar Elezi.
Sipas tij, procesi ende nuk ka përfunduar në 10 komuna, përfshirë Prishtinën, Prizrenin, Ferizajn dhe Gjilanin.
Ndërkohë, janë publikuar edhe kandidatët më të votuar nga partitë politike.
Në Lëvizja Vetëvendosje, më të votuarit janë: Albin Kurti, Glauk Konjufca, Albulena Haxhiu, Hekuran Murati, Donika Gërvalla, Xhelal Sveçla, Avni Dehari, Hajrulla Çeku, Mimoza Kusari-Lila dhe Ejup Maqedonci.
Në Partia Demokratike e Kosovës: Bedri Hamza, Përparim Gruda, Arian Tahiri, Uran Ismaili, Sala Jashari, Vlora Çitaku, Ganimete Musliu, Arben Mustafa, Enver Hoxhaj dhe Mërgim Lushtaku.
Në Lidhja Demokratike e Kosovës: Vjosa Osmani, Lumir Abdixhiku, Doarsa Kica-Xhelili, Hykmete Bajrami, Avdullah Hoti, Kujtim Shala, Ukë Rugova, Anton Quni, Armend Zemaj dhe Lutfi Haziri.
Ndërsa në Aleanca për Ardhmërinë e Kosovës: Ardian Gjini, Ramush Haradinaj, Daut Haradinaj, Besnik Tahiri, Bekë Berisha, Burim Ramadani, Time Kadrijaj, Agim Çeku, Arbër Tolaj dhe Albana Bytyqi.
Procesi i numërimit dhe verifikimit pritet të përfundojë në ditët në vijim.
