Sot rreth orës 12:00, një depo në një objekt në Sheshin “Skënderbeu” në Prishtinë është përfshirë nga zjarri.
Lajmin për Tevë1 e ka konfirmuar zëdhënësi i Policisë së Kosovës për Prishtinën, Enis Pllana. Ai ka bërë me dije se policia ka dalë menjëherë në vendin e ngjarjes dhe janë ftuar zjarrfikësit.
“Rreth orës 12:30 është raportuar për një zjarr aktiv në një depo të një objekti në Sheshin Skënderbeu në Prishtinë. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Nga informatat fillestare nuk raportohet për persona të lënduar. Aktualisht po vijon puna hetimore për sqarimin e plotë të rrethanave që karakterizojnë ngjarjen”, tha Pllana.
Ende nuk ka informacion shtesë për shkaqet e zjarrit, ndërsa autoritetet po vazhdojnë hetimet.
