Manchester United ka triumfuar kryendeshjen e javës së 29-të kundër Tottenham-it në Ligën Premier.
Të kuqtë në duelin e zhvilluar në “Old Trafford”, kanë fituar me rezultat 3:2 kundër Hotspur-it. Futbollisti i kësaj mbrëmje padyshim ka qenë Ronaldo, i cili realizoj hat-trik në këtë takim.
Ronaldo realizoi një supergol në minutën e 12-të nga mbi 25 metra distancë, para se Harry Kante (35’) të barazonte përmes penalltisë.
Në minutën e 38-të, Ronaldo shënoi për epërsinë e dytë të Unitedit, në brendësi të zonës.
Në pjesën e dytë, skuadra e udhëhequr nga Antonio Conte barazoi për të dytën herë rezultatit falë autogolit të Harry Maguire (72’).
Por fatkeqësisht për Tottenhamin, sonte ishte në top formë pesë herë fituesi i Topit të Artë, 37-vjeçari Cristiano Ronaldo, i cili kompletoi het-trikun në minutën e 81-të dhe i dha tre pikë shumë të rëndësishme Unitedit në luftën për top-katërsh. Ronaldo arriti kuotën e 807 golave në karrierën profesioniste. Asnjë futbollist në histori nuk e ka arritur këtë shifër.
Kjo fitoren e ngrin Unitedin në vendin e katërt me 50 pikë, ndërsa Tottenhami është i shtati me 45 pikë.
/Tëvë1/
