Partia Demokratike e Kosovës (PDK) ka mirëpritur aktvendimin e fundit të Gjykatës Kushtetuese përmes të cilit është shpallur e papranueshme kërkesa për konflikt kompetencash ndërmjet Presidentes dhe grupeve parlamentare.
Sipas PDK-së, ky vendim qartëson rendin kushtetues dhe përcakton rolet e institucioneve në procesin e emërimeve në institucionet e pavarura, duke i dhënë fund paqartësive të deritashme.
Në këtë kontekst, PDK i ka bërë thirrje Presidentes së Kosovës, Vjosa Osmani, që të procedojë pa vonesë me emërimin e anëtarit të dytë të kësaj partie në Komisioni Qendror i Zgjedhjeve (KQZ), në përputhje me Kushtetutën dhe praktikën institucionale.
Partia opozitare ka theksuar se çdo vonesë e mëtejshme në këtë proces është e pajustifikueshme dhe mund të ndikojë negativisht në funksionimin normal të institucioneve zgjedhore.
“Respektimi i Kushtetutës dhe garantimi i përfaqësimit të drejtë politik në KQZ janë obligime për të gjitha institucionet përgjegjëse,” thuhet në reagimin e PDK-së.
Në fund, PDK ka ritheksuar përkushtimin e saj për forcimin e demokracisë, sundimin e ligjit dhe funksionimin efektiv të institucioneve në vend.
Ndryshe, Gjykata Kushtetuese e Republikës së Kosovës ka shpallur të papranueshme kërkesën e Presidentes Vjosa Osmani, e cila kishte kërkuar sqarime lidhur me emërimin e anëtarëve të Komisioni Qendror i Zgjedhjeve.
Kushtetuese e shpall të papranueshme kërkesën e Vjosa Osmani për çështjen e KQZ-së
