Dy ditë përpara zgjedhjeve për president të Real Madridit gara ka arritur në pikën më të nxehtë pasi në lojë, duke bërë premtime, është përfshirë edhe Florentino Perez. Numri 1 i Realit e nisi “zjarr” konferencën e tij duke zyrtarizuar në mënyrë indirekte tri goditjet e para.
“Mourinho, Konate dhe Dumfries, janë anëtarë të ri të Realit, por do të ketë edhe të tjerë. Të martën do të bëjë një ofertë zyrtare për një lojtar që luan për një klub në Ligën e Kampionëve. Do të jetë oferta më e lartë që Real Madrid ka bërë ndonjë herë për ndonjë lojtar, do të jetë një transferim rekord prej 150 milionë euro. Është një lojtar që luan në mesfushë dhe sulm, nuk luan në Premier League, nuk është as Haaland, as Doku e as Olise, por është një lojtar i kalibrit C.Ronaldo”, u shpreh Perez, por pa bërë publik emrin e lojtarit dhe ekipit ku luan.
Kaq ka mjaftuar që mediat në Spanjë të nisin garën për të kuptuar se për kë lojtar bëhet fjalë. Mes emrave të lakuar janë tre yje të PSG-së, Vitinha, Joao Neves dhe Doue, por nuk mungojnë as opsione si Musiala apo Julian Alvarez, ky i fundit një objektiv edhe i Barcelonës.
Në lidhje me trajnerin e ri, Jose Mourinho, së fundmi reagoi zyrtarisht edhe klubi i Benfikës me këta të fundit që theksuan se Perez ka shfaqur interesim zyrtar për Mourinhon dhe trajneri i tyre mund të largohet mbi bazën e 15 milionë euro, aq sa është edhe klauzola e largimit.
