Java e 27-të në Superligën e basketbollit pritet të sjellë super përballje dhe sfida shumë të rëndësishme para fillimit të garave shtesë.
Trepça dhe Bashkimi kanë siguruar gjysmëfinalen e “Play-off”-it, derisa garë e ashpër po shkon për katër vendet tjera dhe kush do të mbijetojë.
Golden Eagle Ylli dhe Peja kanë pikë të njëjta, por synojnë vendin e katërt që i siguron epërsinë e terrenit vendas në çerekfinale.
Bora që ka siguruar vendin e tretë ndeshet me Golden Eagle Yllin të premten. Prishtinasit kanë 14 fitore e 12 humbje, kurse therandasit 11 fitore e 15 humbje.
Sfida shumë të rëndësishme do të zhvillohen të shtunën.
Rahoveci 029 pas fitores ndaj Vëllaznimit është i motivuar për fitoren e radhës, ku do të përballet me kampionin dhe liderin Trepçën. Vreshtarët janë në vendin e shtatë me nëntë fitore e 17 humbje, kurse mitrovicasit kanë 23 fitore e tri humbje.
Sigal Prishtina – Vëllaznimi është përballja kryesore dhe më e rëndësishmja e javës. Prishtinasit kanë dhjetë fitore e 16 humbje, ndërsa kuqezinjtë janë në vendin e fundit me tetë fitore e 18 humbje. Fitorja për cilëndo skuadër është vendimtare për pozitën në tabelë.
Java e 27-të do të përmbyllet me ndeshjen mes Pejës dhe Bashkimit. Verdhezinjtë kanë 11 fitore e 15 humbje, derisa Portokallezinjtë 18 fitore e tetë humbje.
