Policia e Kosovës, ka ndaluar dhe kontrolluar disa motoçikleta në Ferizaj, për shkak të disa shkeljeve të rregullave të komunikacionit.
Këto veprime janë ndërmarrë në kuadër të planit operativ “Skuteri”.
Në njoftimin e policisë thuhet se gjatë muajit gusht, janë shqiptuar 58 gjoba si drejtimi i motoçikletës pa patentë shoferi 19 gjoba, drejtimi i motoçikletës pa regjistrim, 19 gjoba, drejtimi i motoçikletës pa helmetë, 20 gjoba, ndërsa, për parregullsi të dokumenteve gjatë kësaj periudhe janë konfiskuar 10 motoçikleta.
‘’Policia do të vazhdojë me aktivitete të tilla edhe në ditët në vijim, me qëllim parandalimin e aksidenteve në komunikacion dhe respektimin e ligjit të komunikacionit rrugor. Apelojmë tek drejtuesit e motoçikletave që ti respektojnë rregullat dhe ligjin e komunikacionit rrugor, të jenë të kujdesshëm në komunikacion, të përdorin helmetën gjatë drejtimit dhe të pajisen me dokumentacion të rregullt’’, thuhet në njoftim./teve1.info/
