Pas një pushimi në vendlindje, morën rrugën për në mërgim.
Megjithatë, bashkëatdhetarët ende pa dalë nga territori u përballën me vështirësi.
Ata që ia mësyen pikëkalimit kufitar këtë të shtunë në Merdarë, u shoqëruan me pritje mbi 5 orëshe.
Dikush nga ta tregon se kjo pritje është maltretim i madh për ta pasi janë edhe me fëmijë.
“Rruga e gjatë, ne me prit këtu, prit nëpër kufi tjerë por nëpër kufi tjerë më mirë se këtu apet, këtu katër orë a Serbi –Kroaci tybe në i bën tri orë a katër, a këtu katër e gjysmë i bën veç në Kosovë. Paj me fëmijë normal është më keq por po thuajse se fëmija nuk di ka qefë me dalë me ecë, klimën po duhet me ecë kerri e çdo send është”, tha mërgimtari Enver Guniqi.
E një mërgimtar që mori rrugën për në Gjermani, ka një apel për institucionet e Kosovës.
“Institucionet e Kosovës s’po bëjnë kurrgjë, ne që 10-15 vite duke pritë kështu, çka me bë. Po përgatitemi çka me bë vendi jonë po na thërret, po gjithmonë ja vlen për Kosovën, harrohen këto”, tha mërgimtari Jetullah Thaçi.
Kolona afer dy kilometërshe për të dalë nga Kosova për një të ri nuk është lodhje pasi që vlerëson se janë çmallur me vendin.
“Dmth gjashtë orë por për Kosovë ja vlenë, kemi familjen kemi me udhëtu për Bonn. Të vështira janë por i mbulojmë por për moshat e reja por për moshat më të larta pak problem pritjet shumë të mëdha, tash kemi gjashtë orë këtu, gjashtë nëpër Serbi e Hungari shumë e lartë… Për neve rininë jo është gjynah me u anku për rininë tash duhet me duru kapak çka kanë heqë të parët tonë ne mirë elhamdulilah prej zoti nuk është keq për Kosovë ja vlen për vend tanin ku s’vijmë këtu, ku me ardhë”, tha mërgimtari Diamant Bytyqi.
Sipas informacioneve e gjithë kjo vonesë po bëhet nga pala serbe, me qëllim zvarritjen e procedurave për kalim nga ky shtet.
Ndërkaq pritje më të vogla kishte në pikëkalimet tjera ku kolonat ishin nga 200 metra deri në një kilometër e mbi një orë.
