Peja ka shënuar edhe fitoren e katërt rresht në Superligën e Kosovës në basketboll. Të dielën mbrëma në palestrën e mbushur me shikues në Gjakovë, Peja e mposhti Vëllaznimin me rezultatin 75:63.
Ndeshja i ka takuar xhiros së katërt. Peja udhëheq në tabelë me tetë pikë. Vëllaznimi ndërkohë pësoi humbjen e tretë.
Rodney Purvis shkëlqeu te Peja duke realizuar 30 pikë, katër asistime e tri kërcime. Bradly Waldow i kishte nëntë pikë, por edhe plot 15 kërcime. Arti Hajdari i realizoi 13 pikë.
Damonte Dodd u dallua te Vëllaznimi me 14 pikë e 12 kërcime. William Brown i kishte 12 pikë e shtatë kërcime. Atik Koshi i realizoi 12 pikë.
