Skuadra e Pejës do ta luaj në palestrën “Karagaçi” ndeshjen e xhiros së 25-t të Superligës së Kosovës në basketboll kundër Golden Eagle Yllit.
Klubi pejan me anë të një njoftimi ka bërë të ditur se prej këtij vikendi do të rikthehet në shtëpi për t’i luajtur ndeshjet si vendas.
Peja prej më shumë se një muaji ndeshjet si vendas i ka luajtur në Gjakovë për shkak të prishjes së semaforit në palestrën “Karagaçi”.
Mirëpo, me rregullimin e semaforit në palestër edhe skuadra e Pejës nuk do të ketë nevojë që ndeshjet si vendas si luaj jashtë qytetit të saj.
Dueli mes Pejës dhe Yllit, do të zhvillohet të shtunën prej orës 19:00.
