Peja 03 – Bashkimi, është finalja që do të zhvillohet në kuadër të Kupës për basketbolliste, ndeshje kjo që do të luhet në Prizren.
Ndeshja finale, do të luhet sot prej orës 19:00 në palestrën “Sezai Surroi”, në të cilën u organizua “Final 4” i Kupës prej të mërkurës.
Si Peja 03 ashtu edhe Bashkimi, kalimin në finale të Kupës e konfirmuan bindshëm pas fitoreve që i arritën në ndeshjet gjysmëfinale.
Peja 03 mposhti ekipin United Basketball (96:60) kurse Bashkimi triumfoi ndaj Prishtinës me shifrat 92:60.
Ndeshja finale pritet të jetë e fortë dhe interesante, pasi këto dy ekipet janë rivalët kryesor të këtij sezoni në basketbollin e femrave.
Përderisa Peja 03 kërkon trofeun e parë të Kupës në histori të klubit, Bashkimi në anën tjetër, synon triumfin e nëntë në këtë garë.
Po ashtu, Bashkimi është fitues në fuqi i Kupës së Kosovës kurse me Pejën 03 është përballur edhe në finalen e Superkupës, të cilën e ka humbur muaj më parë.
